Bakı-APA. Suriyanın qədim Palmira şəhəri İŞİD terror qruplaşmasının tam nəzarəti altına keçib.
APA-nın TASS agentliyinə istinadən verdiyi məlumata görə, Suriya ordusu mayın 20-də şəhəri tərk etmək məcburiyyətində qalıb.
Suriya ordusu şəhərətrafı müdafiə mövqelərinə çəkilərək, Homs və paytaxt Dəməşq istiqamətindəki yolları nəzarətdə saxlayır. Ölkənin Hərbi-Hava Qüvvələri terrorçuların mövqelərinə hava zərbəsi endirir.
Bundan əvvəl, Palmiradan dinc sakinlər təxliyyə edilib, ən qiymətli heykəl və barelyeflər şəhərdən çıxarılıb.
Qeyd edək ki, Palmira UNESCO-nun Dünya İrsi siyahısına daxildir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
