Asiya

Ana səhifə

Asiya

İran hakimiyyəti ölkənin cənubunda baş vermiş terror aktına görə Qərb ölkələrini ittiham edib - FOTOSESSİYA

İran hakimiyyəti ölkənin cənubunda baş vermiş terror aktına görə Qərb ölkələrini ittiham edib - <font color=red>FOTOSESSİYA</font>

17 iyul 2010 13:26 (UTC +04:00)

Bakı - APA. İran hakimiyyəti dünən Zahidan şəhərində baş vermiş və 28 nəfərin ölümü ilə nəticələnən terror aktına görə Qərb ölkələrini ittiham edib.

APA-nın “France24” telekanalına istinadən xəbərinə görə, bu haqda bəyanatı İran daxili işlər nazirinin müavini Əli Abdullahi yerli televiziyaya müsahibəsində səsləndirib.

“Terror aktı Qərb ölkələrinin muzdluları tərəfindən törədilib. Bu casuslar İranla həmsərhəd dövlətin ərazisində hazırlıq keçiblər və sonra ölkəmizə soxulublar” - deyə Ə.Abdullahi bildirib.

Qeyd edək ki, İranın cənubunda yerləşən Pakistanla həmsərhəd Zahidan şəhərinin əsas məscidində törədilən terror aktı zamanı 300 nəfərdən artıq insan da yaralanıb. BMT və ABŞ hadisəni pisləyən bəyanatla çıxış edib.

Hadisəyə görə məsuliyyəti sünni bəlucların milli və dini hüquqları uğrunda mübarizə apardığını iddia edən “Cundullah” qruplaşması öz üzərinə götürüb, hətta terror aksiyasını həyata keçirən kamikadzelərin - Məhəmməd Riginin və Əbdülbasit Riginin ölümdən əvvəl çəkilmiş şəkillərini yayıb. Bu qruplaşmanın rəhbəri, adı çəkilən terrorçuların yaxın qohumu Əbdülmalik Rigi bu il iyunun 20-də Tehranın “Evin” zindanında edam olunub. Eyni aqibəti ondan bir ay əvvəl - mayın 24-də qardaşı Əbdülhəmid Rigi də yaşayıb. Terror aktının məhz bu edamlara qisas cavabı olduğu bildirilir.