Yaponiya, Çin və Koreya Respublikası mayın sonunda rəhbərlik nümayəndələrinin üçtərəfli görüşünü keçirmək niyyətindədirlər.
“APA” xəbər verir ki, bu barədə “Yomiuri” qəzeti məlumat yayıb.
Nəşrin məlumatına görə, hazırda tərəflər mayın 26-27-də Cənubi Koreyada danışıqlar aparmaq variantını nəzərdən keçirirlər. İclas baş tutarsa, o zaman Yaponiyanın Baş naziri Fumio Kisida, Çin Xalq Respublikasının Dövlət Şurasının Baş naziri Li Syan və Koreya Respublikasının Prezidenti Yun Sok-yol iştirak edəcək.
Onların Şimali Koreya da daxil olmaqla regional məsələləri və iqtisadi əməkdaşlığı müzakirə edəcəyi gözlənilir.
Yaponiya, Koreya Respublikası və Çin arasında ilk üçtərəfli sammi 2008-ci ildə baş tutub. 2019-cu ilədək səkkiz görüş keçirilib. Format Seul və Tokio arasında məcburi əmək qurbanlarına təzminat ödənilməsi ilə bağlı fikir ayrılıqları, eləcə də pandemiya səbəbindən dayandırılıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
