Asiya

Ana səhifə

Asiya

İranda neft məhsulları anbarında güclü yanğın olub, ölən var - YENİLƏNİB

05 iyun 2019 23:46 (UTC +04:00)

İranın Şəhid Rəcayi limanında neft məhsulları anbarında baş vermiş yanğında bir nəfər ölüb.

APA-nın Tehran bürosunun məlumatına görə, bunu İranın Səhiyyə Nazirliyinin Hörmüzqan əyaləti üzrə nümayəndəliyi bildirib. Yanğında ölən şəxs limanın mühafizə briqadasının əməkdaşıdır.

Qeyd edək ki, bu gün İranın Hörmüzqan əyalətində yerləşən Şəhid Rəcayi adına limanda neft məhsulları anbarında güclü yanğın baş verib. Hadisə yerinə çox sayda yanğınsöndürən cəlb edilib. Bəndər Abbas liman şəhərindən də əlavə yanğınsöndürənlər hadisə yerinə göndərilib.

Yanğın zamanı, həmçinin bir neçə partlayışın baş verdiyi bildirilir.

***

Saat 22:44

İranın Hörmüzqan əyalətində yerləşən Şəhid Rəcayi adına limanda neft məhsulları anbarında güclü yanğın baş verib.

APA-nın Tehran bürosunun məlumatına görə, yanğın zamanı bir neçə partlayış da müşahidə edilib.

Hadisə yerinə çox sayda yanğınsöndürən briqadaları cəlb olunub. Bəndər Abbas liman şəhərindən də yanğınsöndürənlər hadisə yerinə göndərilib.

Bildirilir ki, yanğın o qədər güclüdür ki, oradan qalxan tüstü qatını çox uzaq məsafədən də görmək mümkündür.