USD 1.7

Bakı 25 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

Asiya

Ana səhifə

Asiya

Şimali Kipr sahillərində gəmi batıb, 242 nəfər xilas edilib, 8 nəfər ölüb, 17 nəfərin axtarışı davam etdirilir - YENİLƏNİB-5

30 avqust 2026 19:36 (UTC +04:00)

Şimali Kipr sahillərində batan gəmi ilə bağlı xilasetmə əməliyyatı davam edir.

APA-nın Türkiyə bürosu xəbər verir ki, indiyə qədər 242 nəfər xilas edilib, 8 nəfər ölüb.

17 nəfərin axtarışı davam etdirilir.

***

saat 18.36

Şimali Kipr sahillərində yan tərəfə yatan, daha sonra tərsinə çevrilən gəmi artıq tam batıb.

APA-nın Türkiyə bürosunun xəbərinə görə, bu barədə Şimali Kipr Türk Cümheriyyətinin nəqliyyat naziri Erhan Arıklı məlumat verib.

Nazir deyib ki, xilas edilən 237 nəfərdən 161-i xəstəxanaya yerləşdirilib, 76 sərnişin ailələri ilə görüşüb.

Erhan Arıklı qeyd edib ki, gəminin batma səbəbi “qara qutu” tapıldıqdan sonra öyrəniləcək.

***

saat 16.54

Şimali Kipr sahillərində batan gəmi ilə bağlı xilasetmə əməliyyatı davam edir.

APA-nın Türkiyə bürosu xəbər verir ki, Şimali Kipr Türk Cümhuriyyətinin (ŞKTC) Baş naziri Ünal Üstel indiyə qədər 237 nəfərin xilas edildiyini, 7 nəfərin öldüyünü açıqlayıb.

Qeyd edilib ki, 23 nəfərin axtarışı davam edir.

***

saat 16.26

Şimali Kipr sahillərində batan gəmi ilə bağlı xilasetmə əməliyyatı davam edir.

APA-nın Türkiyə bürosu xəbər verir ki, Şimali Kipr Türk Cümhuriyyətinin (ŞKTC) Baş naziri Ünal Üstel indiyə qədər 172 nəfərin xilas edildiyini, 6 nəfərin öldüyünü açıqlayıb.

Türkiyənin NTV telekanalının xəbərinə görə, gəmi öncə yan tərəfə yatıb, daha sonra isə tərsinə çevrilib. Gəmin çevrilməsinin sərnişinlərin bir qisminin göyərtədən çıxmasına da mane ola biləcəyi və məhz bu amilin qurbanların sayını artıra biləcəyi bildirilir.

***

saat 15.54

Şimali Kipr sahillərində batan gəmi ilə bağlı xilasetmə əməliyyatı davam edir.

APA-nın Türkiyə bürosu xəbər verir ki, Şimali Kipr Türk Cümhuriyyətinin (ŞKTC) Baş naziri Ünal Üstel xilasetmə işləri üçün bütün imkanların səfərbər edildiyini bildirib.

ŞKTC Baş naziri gəminin batması nəticəsində ölənlərin də olduğunu qeyd edib.

***

saat 15.18

Şimali Kipr sahillərində batan gəmi ilə bağlı xilasetmə işləri davam edir.

APA-nın Türkiyə bürosu xəbər verir ki, Girnə Bələdiyyə sədri Murat Şenkul 160 nəfərin xilas edildiyini, hazırda onların limana gətirildiyini bildirib.

Şimali Kipr Türk Cümhuriyyəti ictimai işlər və nəqliyyat naziri Erhan Arıklı isə artıq 100 nəfərin sahilə çıxarıldığını açıqlayıb.

***

saat 15.07

Şimali Kipr sahillərində batan gəmi ilə bağlı xilasetmə işlərinə 1 vertolyot, Sahil Mühafizə Xidmətinin 4 qayığı cəlb edilib.

Bu barədə Türkiyənin NTV telekanalı məlumat yayıb.

Sahildəki özəl qayıqlar da xialsetmə əməliyyatında iştirak edir.

Şimali Kipr Türk Cümhuriyyəti ictimai işlər və nəqliyyat naziri Erhan Arıklı indiyə qədər 10 nəfərin xilas edildiyini bildirib.

***

saat 13.54

Şimali Kipr sahillərində sərnişin gəmisi batıb.

Bu barədə Türkiyənin NTV telekanalı məlumat yayıb.

Gəmi Girnə şəhəri sahillərində, limandan ayrıldıqdan qısa müddət sonra, sahildən 4 mil (6,44 kilometr) uzaqlıqda öncə yana yatıb, daha sonra sürətlə batıb. Özəl şirkətə məxsus gəmi Girnə-Mersin marşrutu ilə hərəkət edirmiş.

Gəmidə 8-i heyət üzvü, 259 sərnişin olub.

Xilasetmə əməliyyatı başlayıb.