Suriyanın paytaxtı Dəməşq şəhərinin qərbində ardıcıl iki partlayış baş verib.
APA xəbər verir ki, bu barədə “Intel Sky & Air” nəşri “Twitter” vasitəsilə məlumat yayıb.
Bildirilir ki, ilk güclü partlayış yerli vaxtla saat 18:30-da Dəməşqdə qeydə alınıb. İlkin məlumata görə, partlayış hərbi ərazidə baş verib. Bundan 10 dəqiqə sonra isə ikinci partlayış səsi eşidilib.
“Çox güman ki, bu, Dəməşqdə məhv edilən silah anbarı idi”, - deyə nəşr bildirib.
Bəzi məlumatlarda qeyd olunur ki, partlayışın səbəbi otlaqlarda müşahidə edilən yanğın olub. Yanğın genişlənərək artilleriya sursatlarının saxlanıldığı anbara qədər çatıb.
Partlayış nəticəsində xəsarət alanların olub-olmaması barədə məlumat verilmir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
