Türkiyə Milli Müdafiə Nazirliyi PKK terror təşkilatının İraqdakı bazalarına hava zərbəsi endirilməsi barədə məlumat yayıb.
APA xəbər verir ki, bu barədə Anadolu agentliyi məlumat yayıb.
“Terror təhlükəsinin aradan qaldırılması, o cümlədən Türkiyə sərhədlərinin təhlükəsizliyinin təmin edilməsi məqsədilə 3 oktyabr 2023-cü il tarixində saat 20.00-da BMT Nizamnaməsinin 51-ci maddəsindən irəli gələn özünümüdafiə hüququna uyğun olaraq İraqın şimalındakı Metina, Hakurk, Qəndil, Asos və Qara bölgələrində terrorçuların hədəflərinə hava zərbələri endirilib.
Separatçı terror təşkilatının istifadə etdiyi mağara, sığınacaq, bunker, sığınacaq və anbarlardan ibarət ümumilikdə 16 hərbi obyekt məhv edilib. Yalnız hərbi hədəflərə hədəflənmiş zərbələr nəticəsində çoxlu sayda terrorçu zərərsizləşdirilib”, - Türkiyə Müdafiə Nazirliyinin açıqlamasında deyilir.
Türkiyə Silahlı Qüvvələri bu əməliyyat zamanı dinc əhaliyə, dost qüvvələrə, tarixi-mədəni dəyərlərə və ətraf mühitə zərər vurmamaq üçün bütün ehtiyat tədbirlərinin görüldüyünü vurğulayır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
