Avstraliyada təyyarədə planlaşdırılan terror aktının qarşısı alınıb.
APA-nın “AFP” agentliyinə istinadən verdiyi xəbərə görə, bunu Avstraliyanın baş naziri Malkolm Ternbull bəyan edib.
Onun sözlərinə görə, ötən gün Sidney şəhərində irimiqyaslı antiterror əməliyyatı keçirilib.
“Əməliyyat nəticəsində sərnişin təyyarəsində terror aktı törətməyi planlaşdıran 4 nəfər saxlanılıb”, deyə baş nazir bildirib.
Saxlanılanların şəxsiyyəti barədə hələ ki, məlumat verilmir. Antiterror əməliyyatının ardınca Avstraliyanın hava limanlarında təhlükəsizlik tədbirləri gücləndirilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
