Bakı-APA. ABŞ dövlət katibi Con Kerri İsrailin baş naziri Binyamin Netanyahu və Fələstinin rəhbəri Mahmud Abbasla görüşlər keçirib. APA-nın “Röyters” agentliyinə istinadən verdiyi xəbərə görə, qeyd olunan görüşlərdən sonra heç bir rəsmi şərh verilməyib.
Qeyd edək ki, Con Kerrinin Mahmud Abbasla görüşü İordaniyada baş tutub. Fələstin liderinin ətrafında olan anonim mənbənin verdiyi xəbərə görə, C.Kerri və M.Abbas ərəb-israil sülh danışıqları məsələsində kompromisə nail olmağa cəhd ediblər. Bununla belə mənbə qeyd edib ki, İsraillə dialoqun bərpasında sürətli irəliləyişi gözləməyə dəyməz. Xatırladaq ki, danışıqlar 2010-cu ilin sonlarından dondurulub. Buna səbəb İsrailin Fələstin ərazilərində tikinti işlərinin davam etməsi olub.
Con Kerrinin İsrailin baş naziri Binyamin Netanyahu ilə görüşün təfərrüatları açıqlanmır.
Qeyd edək ki, ABŞ dövlət katibi ölkə prezidenti Barak Obamanı İsrailə üçgünlük səfəri zamanı (20-22 mart) müşayiət edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
