Bakı. Şamil Əlibəyli-APA. Əfqanıstan-Pakistan sərhədində yerləşən mübahisəli ərazidə sərhədçilər arasında yenidən atışmalar baş verib. APA-nın xarici mediaya istinadən verdiyi məlumata görə, Əfqanıstan rəsmiləri bildirirlər ki, atəşi Nanqarxar vilayətində Pakistan sərhədçiləri açıb. Onların sözlərinə görə, pakistanlı hərbçilər mübahisəli ərazidə post qurmağa çalışıblar, bundan sonra da tərəflər arasında atışma başlayıb. Pakistanlılar isə əksinə, ilk atəşi əfqanların açdığını iddia edir. Yaralılar ya da ölənlər barədə məlumat yoxdur.
Qeyd edək ki, keçən həftə iki ölkəni birləşdirən Xayber aşırımdan cənubunda yerləşən bu mübahisəli ərazidə atışmalar olub və nəticədə bir əfqan polis həlak olub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
