Bakı-APA. Səudiyyə Ərəbistanının rəhbərlik etdiyi koalisiya yenidən Yəməndə qiyamçı hüsilərin mövqelərinə aviazərbələr endirməyə başlayıb.
APA-nın SABA agentliyinə istinadən verdiyi məlumata görə, oktyabrın 20-də 72 saat atəşkəs elan edilib.
Bu gün elan olunan atəşkəs başa çatıb və səhər koalisiya qüvvələri paytaxt Səna şəhərinin müxəlif rayonlarına 9 aviazərbə endirib. Koalisiyanı dəstəkləyən Yəmən xarici işlər naziri Abdel Malik əl-Mahlafi atəşkəsin müddətinin uzadılmasının mənasız olduğunu, qiyamçı husilərin atəşkəsə riayət etmədiyini bildirib: “Biz BMT-nin xüsusi nümayəndəsinin çağırışına hörmətlə yanaşırıq, ancaq qarşı tərəfin riayət etməməsi səbəbindən hər hansı atəşkəs olmayıb”.
Qeyd edək ki, BMT-nin xüsusi nümayəndəsi İsmail Uld Şeyd Əhməd bundan müxtəlif rayonlara humanitar yardımların çatdırılması üçün öncə tərəfləri atəşkəsin müddətini uzatmağa çağırıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
