Bakı. Könül Cəfərli-APA. “Amerikalılar əvvəl-axır İranın ələ keçirdiyi pilotsuz təyyarənin onlara məxsus olduğunu təsdiq etməli olacaqlar”. APA-nın məlumatına görə, bu fikirləri İran İslam İnqilab Keşikçiləri Korpusunun (“Sepah”) ictimai əlaqələr bölməsinin rəhbəri, general Ramazan Şərif deyib.
O bildirib ki, ABŞ-a məxsus “ScanEagle” pilotsuz təyyarəsi bir neçə gün ərzində İran ərazisində informasiya toplamaq əmrini yerinə yetirib: “ Hələlik isə biz ABŞ-a təklif edirik ki, pilotsuz təyyarələrini diqqətlə saysın”.
Qeyd edək ki, “Sepah” komandanı, admiral Əli Fədəvi ABŞ-a məxsus yeni pilotsuz təyyarənin ələ keçirildiyi ilə bağlı açıqlama verib. Lakin ABŞ Hərbi Dəniz Qüvvələrinin 5-ci donanması bu xəbəri təkzib edərək bildirib ki, Pentaqon Fars körfəzində son zamanlar heç bir pilotsuz təyyarəsini itirməyib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
