Bakı-APA. İran XİN vətəndaşları Səudiyyə Ərəbistanının diplomatik nümayəndəlikləri qarşısında etiraz aksiyaları keçirməməyə çağırıb. APA-nın “TASS”a istinadən verdiyi xəbərə görə, bu cür bəyanatla İran XİN mətbuat xidmətinin rəhbəri Hüseyn Cabir Ansari çıxış edib. Qeyd edək ki, şiə din xadimi Nimr ən-Nimrin Ər Riyadda edam olunmasına etiraz edən iranlılar Səudiyyə Ərəbistanının Tehrandakı səfirliyinin binasına və Məşhəddəki konsulluğa hücum ediblər.
XİN nümayəndəsi qısa bəyanatda Nimr ən-Nimrin edam olunmasını yenidən pisləyib və Səudiyyə Ərəbistanının diplomatik nümayəndəliklərinin mühafizəsinin təmin olunmasının vacibliyini qeyd edib: “Ölkəmizin müsəlman əhalisinin reaksiyasını anlayaraq XİN vətəndaşları Səudiyyə Ərəbistanının diplomatik nümayəndəlikləri qarşısında toplaşmamağa çağırır”, deyə məlumatda bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
