Bakı. Zümrüd Paşayeva – APA. İran beynəlxalq koalisiyanın İŞİD-ə qarşı mübarizə planını qeyri-müəyyən adlandırır.
APA - nın “Reuters”ə istinadən verdiyi xəbərə görə, bunu İran Xarici İşlər Nazirliyinin sözçüsü Mərziyə Əfham jurnalistlərin suallarını cavablandırarkən deyib.
“NATO-nun Uelsdəki sammitindən sonra İŞİD-ə qarşı yaradılan beynəlxalq koalisiyanın mübarizə planında ciddi qeyri-müəyyənliklər var. Bu koalisyanın terrorizmə qarşı mübarizə aparmaq niyyəti şübhəli görünür”, - deyə o vurğulayıb.
M. Əfham həmçinin koalisiyaya üzv bəzi ölkələri Suriya və İraqda terrorçulara dəstək verməkdə ittiham edib. Bununla belə, o, ABŞ prezidenti Barak Obamanın İŞİD-ə qarşı mübarizə planına münasibət bildirməyib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
