Bakı. Könül Cəfərli - APA. “İran vətəndaşları zərurət olmadığı təqdirdə ABŞ-a səfər etməsinlər”. APA-nın “Mehr” xəbər agentliyinə istinadən məlumatına görə, belə bir xəbərdarlıqla İran Xarici İşlər Nazirliyinin sözçüsü Ramin Mehmanpərəst çıxış edib.
Onun sözlərinə görə, hazırda ABŞ-da İranofobiya var: “ABŞ-da İranofobiya məqsədli olaraq davam etdirilir. Bu şərtlərdə İran vətəndaşlarının ABŞ-a səfər etməsi təhlükəlidir”.
R.Mehmanpərəst deyib ki, İran vətəndaşı Daryuş Sərrəştə ABŞ polisi tərəfindən beş saatlıq dindirilmədən sonra dünyasını dəyişib: “Bu hadisədə qüsur varsa, ABŞ rəhbərliyi məsələni ciddiyə alaraq Daryuş Sərrəştənin ailəsinə məlumat veməlidir”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
