Bakı. Könül Cəfərli - APA. İranda daha bir nəfər prezidentliyə namizəd olacağını açıqlayıb. APA-nın “Radiofərda”ya istinadən məlumatına görə, bu, Mərdomsalari Partiyasının baş katibi Mustafa Kəvakibiyandır.
O, növbəti seçkilərdə əsas şüarının “Əxlaq dövləti” olacağını açıqlayıb: “Hansısa bir namizədin dövlətin imkanlarından istifadə edərək özünü tanıtdırmasının qarşısı alınmalıdır. Son söz İran Konstitusiyası və rəhbərdir (ali dini lider, ayətullah Əli Xamneyi nəzərdə tutulur)”.
M.Kəvakibiyan münasib zamanda ABŞ-la əlaqələr qurmağın tərəfdarı olduğunu da bildirib: “Əgər ABŞ-la münasibətlər yoluna qoyulmasa, İrana qarşı sanksiyalar aradan qaldırılmayacaq”.
Qeyd edək ki, M.Kəvakibiyan İran parlamentinin deputatı, eks-prezident Məhəmməd Xatəminin tərəfdaşı olub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
