Bakı. Könül Cəfərli – APA. İranda sabiq millət vəkili Mirtahir Musəvi azadlıqdan məhrum edilib. APA-nın “Kaleme” internet saytına istinadən verdiyi məlumata görə, Tehran İnqilab Məhkəməsi M. Musəviyə 5 il həbs cəzası verib. O, cəzasını Sistan və Bəluçistan vilayətinin həbsxanalarından birində çəkəcək. Eyni zamanda M. Musəvi həmin vilayətdə 10 il sürgün həyatı da yaşamalıdır. Ancaq onun nədə ittiham edildiyi barədə heç bir məlumat verilməyib.
Qeyd edək ki, M. Musəvi VI dönəm İran parlamentinin deputatı və Kərəc şəhərinin başçısı olub. O, 2009-cu il prezident seçkilərində hazırda iki ildən çoxdur ev dustaqlığında saxlanılan İran müxalifətinin liderlərindən olan Mirhüseyn Musəvini dəstəkləyib. Mirtahir Musəvi 2012-ci ilin iyul ayında həbs edilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
