Bakı. Könül Cəfərli – APA. İranın sabiq rabitə və informasiya texnologiyaları naziri Əli Fəllahiyan prezident seçkilərində namizədliyini irəli sürəcək.
APA-nın “Mehr” xəbər agentliyinə istinadən məlumatına görə, bu barədə Ə. Fəllahiyanın özü açıqlama verib.
O, namizədliyinin mühafizəkar qüvvələr tərəfindən dəstəklənəcəyinə ümid etdiyini bildirib. Ə.Fəllahiyan əlavə edib ki, iyunun 14-də keçiriləcək prezident seçkilərinə “İnkişaf edən İslam ölkəsi” şüarı ilə qatılacaq.
Qeyd edək ki, Ə.Fəllahiyan Əli Əkbər Haşimi Rəfsəncaninin hakimiyyəti dövründə rabitə və informasiya texnologiyaları naziri vəzifəsini icra edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
