Bakı. Könül Cəfərli – APA. İranda sanksiyalara qarşı mübarizə məqsədiylə xüsusi iqtisadi qərargah yaradılacaq.
APA-nın İSNA-ya istinadən məlumatına görə, bu barədə İran parlamentinin planlaşdırma və büdcə komissiyasının sədri Qulamrza Məsbəhi Müqəddəm açıqlama verib.
O bildirib ki, bir neçə deputat tərəfindən belə bir qərargah yaradılması təklifi irəli sürülüb: “Mən də bu təklifi dəstəkləyirəm. Düşmənlərimiz öz intellektual qərargahlarını artıq yaradıblar. Bu qərargah İranın hər addımına qarşı fəaliyyət göstərir. Məsələn, İran nümayəndələri hara getsələr, ora dərhal əks tərəfin nümayəndələri səfər edir. Hesab edirəm ki, düşmənlərimizin fəaliyyətinə qarşı və yaranmış problemlərin həlli üçün xüsusi iqtisadi qərargah yaratmalıyıq. Bu təkliflə bağlı müxtəlif fikirlər var. Hələlik yaradılacaq qərargahın heyəti ilə bağlı heç nə deyə bilmərəm”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
