Bakı. Könül Cəfərli - APA. İranın Xorasan-Rəzəvi vilayətində 2012-ci il martın 21-dən indiyədək 16 ton narkotik maddə aşkar edilib.
APA-nın İRNA-ya istinadən məlumatına görə, bu barədə vilayətin nizam-intizam qüvvələrinin rəhbəri Bəhmən Əmiri Müqəddəm açıqlama verib.
O bildirib ki, nizam-intizam qüvvələri tərəfindən 157 əməliyyat keçirilib, nəticədə Xorasan-Rəzəvidə 14 ton, vilayətin sərhəd rayonlarında isə 2 ton narkotik maddə ələ keçirilib: “Bu müddət ərzində aparılmış xüsusi əməliyyatlar nəticəsində 900 nəfərdən çox narkotik aludəçisi yaxalanıb. Onlar müalicə almaq üçün reabilitasiya mərkəzlərinə göndərilib”.