Bakı. Real Cəfərli-APA. İranın keçmiş daxili işlər nazirinə yeni vəzifə verilib.
APA-nın “Fars” xəbər agentliyinə istinadən məlumatına görə, general-leytenant Mustafa Məhəmməd Nəccar İran Silahlı Qüvvələrinin Baş Qərargah rəisinin müşaviri təyin edilib.
İranın eks-prezidenti Mahmud Əhmədinejadın hökumətində daxili işlər naziri işləyən M. Nəccar İran Silahlı Qüvvələrinin Baş Qərargah rəisi, general-polkovnik Seyid Həsən Firuzabadinin sərəncamı ilə bu posta təyin olunub.