Bakı. Real Cəfərli - APA. İran prezidentinin müavini Lütfullah Füruzandə Türkiyədə səfərdədir. APA-nın İRİB-ə istinadən məlumatına görə, səfər Türkiyə baş nazirinin müavini Bəkir Bozdağın dəvəti əsasında həyata keçirilir.
Üç gün davam edəcək səfər çərçivəsində İranın vitse-prezidenti Türkiyənin bir sıra dövlət rəsmiləri, qeyri-hökumət təşkilatlarının rəhbərləri ilə görüşəcək. Görüşlərdə iki ölkə arasında əlaqələrin inkişafı, regional və qlobal məsələlər əsas müzakirə mövzusu olacaq.