Bakı. Məlahət Nəcəfova-APA. İraqın Kərkük vilayətində ABŞ-ın xüsusi təyinatlı hərbçiləri İŞİD terrorçu qruplaşmasının başçılarından biri olan Abu Ömər əş-Şişanini sağ tutublar.
APA-nın TASS-a istinadən verdiyi məlumata görə, xüsusi təyinatlılar əməliyyat zamanı həmçinin İŞİD-in iki səhra komandirini saxlayıblar və daha 7 döyüşçünü zərərsizləşdiriblər. Sağ tutulan hər 3 İŞİD döyüşçüsü İraqın şimal-şərqindəki Süleymaniyə şəhərinə aparılıb.
Qeyd edək ki, əsl adı Tarxan Batiraşvili olan 29 yaşlı əş-Şişani Gürcüstanın Pankisi dərəsində anadan olub. Gürcüstan ordusunda hərbi xidmət keçib. 2012-ci ildə Türkiyə ərazisindən Suriyaya gedərək, İŞİD tərkibində döyüşüb və terrorçu qruplaşmanın liderlərindən birinə çevrilib. Bu ilin yayında önun öldürüldüyü barədə xəbər yayılıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
