Asiya

Ana səhifə

Asiya

Pakistanda törədilmiş partlayışda ölənlərin sayı 80-a çatıb - YENİLƏNİB

Pakistanda törədilmiş partlayışda ölənlərin sayı 80-a çatıb - <span style="color: red;">YENİLƏNİB

16 fevral 2013 23:49 (UTC +04:00)

Bakı-APA. Fevralın 16-da Pakistanın Belucistan vilayətinin paytaxtı Kvetta şəhərində törədilmiş güclü partlayış nəticəsində ölənlərin sayı 79-a çatıb, 200 nəfərə yaxın adam isə yaralanıb. APA-nın “RİA Novosti”yə istinadən verdiyi xəbərə görə, bu barədə Kvetta şəhərinin polis rəisi Vəzir Xan açıqlama verib.

***** 21.59

Bakı-APA. Fevralın 16-da Pakistanın Belucistan vilayətinin paytaxtı Kvetta şəhərində törədilmiş güclü partlayış nəticəsində ölənlərin sayı 63-ə çatıb, 200 nəfərə yaxın adam isə yaralanıb. APA-nın “RİA Novosti”yə istinadən verdiyi xəbərə görə, şəhər bazarında törədilmiş terror aktın qurbanlarının sayı artacağı istisna olunmur. Ölənlər arasında xeyli qadın və uşaq olduğu bildirilir.

Partlayış nəticəsində 60-dan çox ticarət obyekti tamamilə uçulub, uçqunların altında onlarla insan qalıb. Kvetta şəhərinin polis rəisi Vəzir Xan açıqlamasında bildirib ki, partlayıcı qurğu banlı motosikletdə olub və məsafədən işə salınıb. Yerli KİV-lərin məlumatına görə, partlayıcının çəkisi 100 kiloqramdan çox olub.

Xanın sözlərinə görə, “terror aktı dinlərarası nifrət zəminində törədilib”.

Hələlik heç bir ekstremist qruplaşma partlayışa görə məsuliyyəti öz üzərinə götürməyib.