Bakı-APA. Ötən gecə Suriya üsyançıları Dəməşqin əsas meydanı olan Abbasilər meydanına güclü hücuma keçiblər. Bir neçə saat davam edən şiddətli döyüş nəticəsində hökumət qoşunları üsyançıları geri oturdublar. Bu barədə APA RİA Novosti-yə istinadən məlumat verir.
Hücum mərkəzə yaxın Kabun rayonunda minalanmış avtomobilin nəzarət-buraxılış məntəqəsinin qarşısında partladılması ilə başlayıb. Partlayışın ardınca silahlılar Kabun, Cobar və Barz rayonlarında eyni zamanda hücuma keçərək şəhərin mərkəzinə doğru irəliləmək istəyiblər. Ən şiddətli döyüşlər Cobar rayonunda baş verib. Abbasilər meydanının ələ keçirməklə silahlılar Dəməşqin şimal hissəsinə nəzarəti ələ keçirərək şəhərin ətraflarla əlaqəsini kəsə bilərdilər.
Hadisə yerindən ara-sıra atəş səsləri hələ də eşidilir. Tələfat barədə məlumat verilmir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
