Suriya ordusu Deyr-ez-Zor əyalətində Rusiya aviasiyasının dəstəyi ilə 100-dən çox İŞİD silahlısını məhv edib.
APA-nın xəbərinə görə, bu barədə “Əl-Məyədin” telekanalı əyalətin qubernatoru Məhəmməd İbrahim Səmraya istinadən məlumat verib. Hədəfdə əsasən terrorçuların qərargah və silah anbarları olub.
“Hazırda hökumət qüvvələri Cebel at-Tarda yaylası istiqamətində irəliləyərək yaxınlıqdakı yaşayış məntəqələrini terrorçulardan təmizləmək niyyətindədirlər”, deyə qubernator bildirib.
Qeyd edək ki, ötən gün Suriyanın Deyr-ez-Zor əyalətində İŞİD silahlılarının avtomobil konvoyunu atəşə tutması nəticəsində iki Rusiya hərbçisi həlak olub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
