Bakı-APA. Türkiyə Suriya ilə sərhədindəki nəzarət keçid məntəqəsini (NKM) yenidən açıb. Qeyd edək ki, “Cilvəgözü” NKM-i fevralın 10-dan bağlı olub. Keçid məntəqəsinin bağlanmasına səbəb NKM-in qarşısında Suriya dövlət qeydiyyat nömrələri olan mikroavtobusun partladılması olub, partlayış nəticəsində 14 nəfər ölüb.
APA-nın “BBC”yə istinadən verdiyi xəbərə görə, “Cilvəgözü” NKM-i qarşısında Suriyaya humanitar yardımla istiqamət tutan Türkiyə yük maşınlarından ibarət 10 km uzunluğunda növbə yaranıb. Hal-hazırda onlara və minik avtomobillərə Suriya ərazisinə keçməyə icazə verilib.
Qeyd edək ki, “Cilvəgözü” nəzarət keçid məntəqəsi Türkiyədə məskunlaşmağa çalışan Suriya qaçqınları üçün əsas yollardan biri sayılır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
