Yəmənin cənubundakı Ədən Beynəlxalq Hava Limanının ərazisinə iki raket düşüb.
APA xəbər verir ki, yerli təhlükəsizlik qurumları hücuma görə husiləri ittiham edib. Hadisə zamanı ölən və yaralanan olmayıb.
Eyni zamanda, Səudiyyə Ərəbistanının rəhbərlik etdiyi koalisiya Yanbu şəhərinə doğru atılmış ballistik raketi ələ keçirərək məhv etdiyini açıqlayıb.
Bundan əlavə, Qırmızı dəniz üzərində iki qanadlı raketin, ölkənin cənubunda və ər-Riyad bölgəsində isə üç dronun vurulduğu bildirilib.
Qeyd edək ki, Yanbu Səudiyyə Ərəbistanının əsas neft ixrac mərkəzlərindən biridir. Regionda gərginliyin artması fonunda “Brent” markalı neftin qiyməti cümə günü qısa müddətə bir barel üçün 110 dollara çatıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
