Avropa

Ana səhifə

Avropa

Terri Devis Ermənistanda mart hadisələri zamanı həlak olmuş insanların taleyi ilə bağlı aparılan təhqiqatdan narazıdır

25 iyun 2008 11:11 (UTC +04:00)

APA-nın Avropa bürosunun xəbərinə görə, bu sözləri Avropa Şurasının baş katibi Terri Devis Strasburqda keçirdiyi mətbuat konfransında erməni jurnalistin sualına cavabında deyib. T. Devis bildirib ki, onu ən çox narahat edən məsələ mart hadisələri zamanı həyatlarını itirmiş insanların taleyi ilə bağlı polisin apardığı təhqiqatdır: “Hesab edirəm ki, bu məsələ ilə kifayət qədər maraqlanmırlar. Mən daim Ermənistandakı dostlarımdan polis təhqiqatı ilə bağlı məlumat alıram. Bəziləri deyirlər ki, bununla bağlı istintaq komissiyası yaradılacaq. Amma heç bir araşdırma, parlament komissiyası polisi öz təhqiqatını aparmaqdan azad etmir. Polis hamıdan əvvəl ölüm hallarına görə məsuliyyət daşıyanları, bu hadisələri törətmiş insanları müəyyən etməlidir və həmin insanlar layiq olduqları cəzanı almalıdır. Ermənistan hakimiyyəti mart hadisələri zamanı tutulmuş, ittiham edilmiş və ya azadlığa buraxılmış insanlar haqqında danışanda mən insanların həlak olmasından, baş vermiş vandalizmdən ciddi narahatlığımı bildirirəm. Ən başlıca məsələ insan taleyidir. Demokratik cəmiyyətdə heç bir amil polis orqanlarını öz təhqiqatını aparmaqdan azad edə bilməz. Bu sualı daim verirəm və verməkdə davam edəcəyəm”.

Ermənistan_mart_hadisə