Avropa

Ana səhifə

Avropa

Türkiyədə güclü zəlzələ baş verib-YENİLƏNİB

Türkiyədə güclü zəlzələ baş verib-<font color=red>YENİLƏNİB</font>

08 mart 2010 12:43 (UTC +04:00)

Yerli vaxtla saat 04.32 radələrində qeydə alınan zəlzələ nəticəsində Əlazığın Kovancılara rayonuna aid üç kəndə daha böyük ziyan dəyib.
Ən son məlumatlara görə, hadisə nəticəsində 41 nəfər ölüb, 100-ə qədər sakin isə yaralanıb. Yaralılar yaxınlıqdakı şəhərlərin xəstəxanalarına yerləşdiriliblər.

Çoxlu sayda ev, iş yeri dağılıb.

Hazırda zəlzələ evləri dağılmış insanlar üçün çadır şəhərciyi qurulur.

Zəlzələ Əlazığın yaxınlığında olan bölgələrdə də hiss edilib. Yaxınlıqdakı Diyarbəkir, Tunceli, Malatya şəhərlərinin əhalisi bütün gecəni küçələrdə keçirib.

Əlazığ valisi Muammer Ərol zəlzələ zonasında operativ qərargah yaradıldığını, xilasetmə işlərinin davam etdirildiyini bildirib.
Kovancılar rayonunun icra nümayəndəsi Səlçuk Aslan isə zəlzələnin 10 kənddə böyük dağıntılara səbə olduğunu, çoxlu sayda evin dağıldığını, yaralılar olduğunu bildirib.

Baş vermiş fövqəladə hadisə ilə bağlı Türkiyənin bir çox nazirləri Əlazığa gediblər.

Türkiyə Nazirlər Kabineti yanında Fövqəladə Hallar İdarəsindən verilən açıqlamada zəlzələnin 5.5 bal gücündə, episentrinin 10.42 kilometr dərinliyində olduğu bildirilib.

***

Səhər saat 09.47 radələrində daha bir zəlzələnin baş verməsi barədə məlumat verilib. Məlumata görə, eyni ərazidə baş verən ikinci zəlzələ isə 5.3 bal gücündə olub.

Baş vermiş zəlzələ nəticəsində 57 nəfərin öldüyü, 50-dən çox isə insanın yaralandığı bildirilir. Hazırda xilasetmə işləri davam edir.

Əlazığ valisi Muammer Erol dağıntılar altında kimsənin qalmadığını deyib. Onun sözlərinə görə, hadisə nəticəsində çox ev dağılıb, sakinlərin şəxsi təsərrüfatına ziyan dəyib.