Avropa

Ana səhifə

Avropa

Dəniz Baykal prokurorluğa şikayət edib

07 may 2010 12:07 (UTC +04:00)

Bakı – APA. Türkiyə ana müxalifətinin lideri, Cümhuriyyət Xalq Partiyasının (CHP) sədri Dəniz Baykal internetdə ona aid olduğu iddia edilərək yayılan görüntülərlə bağlı prokurorluğa müraciət edib. APA-nın “Anadolu” agentliyinə istinadən verdiyi məlumata görə, D. Baykalın vəkilləri Ankara Cümhuriyyət Baş Prokurorluğuna müraciət edərək məlum görüntülərə girişin əngəllənməsi və günahkarların məsuliyyətə cəlb olunmasını istəyiblər. Prokurorluq müraciəti qəbul edərək Türkiyə Cəza Qanununun (Cinayət Məcəlləsi) “Təhqir”, “Şəxsi məlumatların icazəsiz qeyd edilməsi” və “Şəxsi həyatın gizliliyinin pozulması” maddələri ilə təhqiqata başlayıb. Prokuror Bülənt Yücətürk D. Baykala aid olduğu iddia edilən görüntülərə girişin əngəllənməsinə qərar verərək bu qərarın icrası üçün Telekommunikasiya İdarəsinə təlimat göndərib.

Qeyd edək ki, Dəniz Baykala aid olduğu və gizli kamera ilə çəkildiyi iddia edilən görüntülər mayın 6-da gecə radikal islamçılara məxsus “Vakit” qəzetinin “habervakti.com” adlı saytına yerləşdirilib. Görüntü qısa müddət sonra bu saytdan yığışdırılsa da, “Youtube” də daxil olmaqla, bir çox internet saytında yayılmağa davam edib. Görüntülərin D. Baykalın CHP qərargahındakı yataq otağında çəkildiyi və müxalifət liderinin öz partiyasının üzvü olan qadın millət vəkili ilə birlikdə olduğu iddia edilir.

dəniz_baykal