Avropa

Ana səhifə

Avropa

Yaroslav Kaçinski: “Rusiyanın aviaqəzanın təhqiqatını ləngitməsi bizdə şübhələr yaradır”

28 iyun 2010 07:30 (UTC +04:00)

APA-nın AFP-yə istinadən xəbərinə görə, Polşa televiziyasında keçirilən teledebatlarda çıxış edən Y.Kaçinski bildirib ki, polşalı müstəntiqlər hadisə ilə bağlı mühüm sənədləri hələ də Rusiyadan ala bilməyiblər: “Belə bir şəraitdə bizim şübhələrimiz yaranır”. Bununla belə, prezidentliyə namizəd şübhələrini konkretləşdirməyib.

Y.Kaçinskinin rəqibi, prezidentliyə digər namizəd Bronislav Komorovski isə aviaqəza ilə bağlı Polşa və Rusiyada iki müstəqil təhqiqatın aparıldığını xatırladaraq, ruslara şans verməyin tərəfdarı olduğunu söyləyib: “Bu zaman etimadsızlıq mühiti yaradılmamalıdır. Eyni zamanda polşalı müstəntiqlərə də hərtərəfli təhqiqat imkanı verilməlidir”.

Qeyd edək ki, iyunun 20-də Polşada prezident seçkilərinin birinci tutu keçirilib. İkinci tura sabiq prezident Lex Kaçinskinin qardaşı Yaroslav Kaçinski və onu 5% qabaqlayan Polşa parlamentinin aşağı palatasının sədri Bronislav Komorovski keçib. Seçkilərin ikinci turu iyulun 4-də keçiriləcək.

Xatırladaq ki, Polşa prezidenti Lex Kaçinski və xanımı Mariya Kaçinskayanın da içində olduğu təyyarə bu il aprelin 10-da Rusiyanın Smolensk şəhəri üzərində qəzaya uğrayıb. Təyyarədə olan 96 nəfərin hamısı həlak olub.