Avropa

Ana səhifə

Avropa

Çaplinin itmiş hesab olunan filmi tapılıb

18 iyul 2010 01:39 (UTC +04:00)

Bakı-APA. Çarli Çaplinin uzun zamanlardan bəri itmiş hesab olunan filmi ilk dəfə olaraq Birləşmiş Ştatlarda keçirilən film festivalında nümayiş etdirilib.

APA-nın bbc.com saytına istinadən verdiyi xəbərə görə, filmin adı "A Thief Catcher", yəni "Oğru tutan"dır. On dəqiqəlik bu komediya filmi 1914-cü ildə lentə alınıb.
Film ötən il antik əşyaların satışında film tarixçi və bərpaçısı Paul Gierucki tərəfindən aşkar edilib. O deyib ki, Miçiqandakı antik əşyalar sərgisinə getdiyi vaxt orada bir mebel satanla rastlaşıb və filmi də elə ondan aldım.
"Səhər təxminən üç radələrində mən projektoru yandırdım, filmə tamaşa etdim və cəmi iki dəqiqə ərzində, iki Kistoun polisinin hərəkət etdiyini görəndə, özüm-özümə fikirləşdim ki, bu Çaplinə oxşayır", - film tarixçisi deyib.
Onun sözlərinə görə o filmi saxlayıb.
"Ayağa durdum və projektoru geriyə fırlatdım, ona yenidən dəfələrlə baxdım və nəhayət anladım ki, mən Çarli Çaplinin bundan əvvəl sənədləşdirilməyən, naməlum olan filmini tapmışam. Başa düşəndə ki, mən yalnız itmiş filmi deyil, həm də Çaplinin iştirak etdiyi ən ilkin filmlərindən birini tapmışam, bu evrika anında mənim ürəyim dayandı", - Paul Gierucki deyib.