Avropa

Ana səhifə

Avropa

Nikola Sarkozi: Abxaz və osetin xalqlarının gələcəkləri gürcü xalqı ilə birlikdədir

07 oktyabr 2011 18:29 (UTC +04:00)

Bakı-APA. Gürcüstana səfər edən Fransa prezidenti Nikola Sarkozi Tbilisinin Azadlıq meydanında minlərlə insanların qarşısında çıxış edib.
APA-nın apsny.ge saytına istinadən verdiyi xəbərə görə, Sarkozi deyib ki, Gürcüstanda geniş mənada inkişaf müşahidə olunur. Bu infrastrukturun modernləşməsi, təhlükəsizlik təmin olunmasında, əhalinin gəlirlərinin artmasında, polis və təhsil sistemində dərin islahatlar aparılmasında əksini tapıb.
“Ölkədə keçirilən islahatlar və aşkarlıq abxaz və osetin xalqlarını inandırmağa imkan verir ki, onların gələcəkləri gürcü xalqı ilə birlikdədir. Bu strategiyanın davamı olaraq Avropa İttifaqını inandırmağa imkan verir ki, Gürcüstan Avropa ölkəsidir. Mən deyirəm sizin ölkə Avropa ölkəsidir ” Nikola Sarkozi belə deyib.
Sarkozi bəyan edib ki, Fransa Gürcüstanın ərazi bütövlüyünü və suverenliyini dəstəkləyir. Onun fikrincə Gürcüstanın NATO və Avropa İttifaqına inteqrasiya olmasına hüququ var və bu yoda kənardan heç kim mane olmamalıdır.
O bildirib ki, Fransa şirkətləri Gürcüstanın inkişafında yaxından iştirak edəcəklər.