Avropa

Ana səhifə

Avropa

Türkiyədə millət vəkilinin qardaşı öldürülüb, bir canlı bomba yaxalanıb

19 avqust 2012 07:36 (UTC +04:00)

Bakı-APA. Türkiyədə hakimiyyət partiyası olan AKP-nin Şırnak millət vəkili Mehmət Dindarın qardaşı Ramazan Dindar silahlı hücum nəticəsində ölüb.

APA-nın Türkiyənin Anadolu agentliyinə istinadən verdiyi xəbərə görə, hələlik şəxsiyyəti müəyyənləşməyən bir nəfərin silahlı hücumuna məruz qalan R. Dindar xəstəxanaya çatdırılarkən, yolda dünyasını dəyişib.

Doğan Xəbər Agentliyi isə dünən gecə Diyarbakırda bir canlı bombanın yaxanlanması barədə xəbər verib. Məlumata görə, Diyarbakır polisi PKK terrorçularının hazırladığı hücum barədə əməliyyat məlumatı alandan sonra şəhərdə təhlükəsizliyi gücləndirib.

Onlar terrorçuların “canlı bomba”sını şəhər yaxınlığında maşında yaxalayıblar. Polis üzərində qurulmuş bomba qurğusu aşkarlanan terrorçunu partlayış törətməsinə imkan vermədən zərərsizləşdirib. Onun üstündən xüsusi əl bombaları da aşkarlanıb.

Polis yaxalanarkən narkotik maddə istifadə etmiş olan terrorçunun ifadəsini almağa başlayıb.