“Elektron qaydada səs vermək üçün tətbiq olunan cihazlar internet şəbəkəsinə qoşulmadığından kiber müdaxilə təhlükəsi yoxdur”.
APA-nın yerli bürosu xəbəri verir ki, bunu Gürcüstanın Mərkəzi Seçki Komissiyasının (MSK) sədri Giorgi Kalandarişvili keçirdiyi brifinqdə deyib.
O bildirib ki, istənilən avadanlığın işində nasazlığın yaranma ehtimalı minimaldır.
“Amma təbii ki, belə hallar nəzərə alınır və sığortalanır. Əsas odur ki, səsvermə prosesi heç bir halda dayandırılmayacaq”, - MSK sədri söyləyib.
Qeyd edək ki, sabah Gürcüstanda bələdiyyə seçkiləri keçiriləcək. Ölkə üzrə 3 061 seçki məntəqəsi yaradılıb ki, onlardan 2 284-də səsvermə elektron, 777-sində isə ənənəvi qaydada olacaq. Seçicilərin ümumi sayı 3 513 818 nəfər təşkil edir. Onların 3 130 348 nəfəri elektron texnologiyalardan istifadə etməklə səs verəcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
