Türkiyə xarici işlər naziri Hakan Fidan ABŞ-ın Türkiyədəki səfiri, eyni zamanda Suriya üzrə xüsusi nümayəndəsi Tom Barrakla keçirdiyi görüşün təfərrüatlarını açıqlayıb.
APA-nın Türkiyə bürosunun məlumatına görə, nazir görüşdə Suriyada əldə olunan atəşkəsin müzakirə edildiyini bildirib.
O, bu kontekstdə ABŞ nümayəndəsi Tom Barrakın Suriyada keçirdiyi görüşlərlə bağlı fikir mübadiləsi aparıldığını qeyd edib: “Bu səhər ABŞ-ın Suriya üzrə nümayəndəsi hörmətli Tom Barrakla görüşdük. O, Dəməşqdə keçirdiyi görüşlərin detalları barədə məlumat verdi. Həm SDQ ilə, həm də Suriya hökuməti ilə ayrı-ayrılıqda, o cümlədən üçtərəfli formatda görüşlər keçirib. Biz Türkiyənin hər zaman konstruktiv rol oynadığını vurğuladıq. Bunu bütün tərəflər məmnuniyyətlə qarşılayırlar. Müzakirələrimizi birgə davam etdirəcəyik”, – deyə Hakan Fidan bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
