Madridin mərkəzində Kataloniya separatçı siyasətçilərinə mümkün amnistiyaya qarşı çoxminlik etiraz aksiyası keçirilib.
APA xəbər verir ki, Madriddəki hökumət rəsmilərinin TASS müxbirinə verdiyi məlumata görə, mitinqə 40 minə yaxın insan qatılıb.
Nümayişin təşkilatçısı mühafizəkar Xalq Partiyası olub. Etirazçılar özləri ilə İspaniya bayraqları gətirib və mümkün amnistiya əleyhinə şüarlar səsləndiriblər. Mitinqə iyulun 23-də keçirilən ümumi seçkilərdə qalib gələn Xalq Partiyasının çoxsaylı nümayəndələri də qatılıb.
Buna baxmayaraq, mühafizəkarlar təkbaşına hökumət qurmaq üçün parlamentdə yerlərin mütləq əksəriyyətini əldə edə bilmədilər. Mühafizəkarların arxasında hökumət başçısı vəzifəsini icra edən Pedro Sançesin İspaniya Sosialist İşçi Partiyası (PSOE) dayanır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
