“Danışıqların üçüncü raundu başa çatıb. Humanitar dəhlizlərin maddi-texniki təminatının yaxşılaşdırılmasında kiçik müsbət irəliləyiş var”.
APA-nın xəbərinə görə, bu barədə Ukrayna Prezident Ofisinin rəhbərinin müşaviri Mixail Podolyak "Twitter"də bildirib.
Podolyak əlavə edib ki, atəşkəs və təhlükəsizlik təminatı ilə yanaşı, əsas siyasi məsələlər üzrə intensiv məsləhətləşmələr davam etdirilib.
***
21.56
Ukrayna və Rusiya nümayəndə heyətləri arasında Belovejskaya Puşada keçirilən danışıqların üçüncü raundu başa çatıb.
APA-nın xəbərinə görə, bu barədə Rusiyanın Belarusdakı səfirliyi Teleqram kanalında məlumat yayıb.
Danışıqların 3 saat davam etdiyi bildirilir.
***
21.52
Ukrayna və Rusiya nümayəndə heyətləri arasında danışıqların üçüncü raundu başa çatıb.
APA-nın xəbərinə görə, bu barədə Rusiyanın Belarusdakı səfirliyi məlumat yayıb.
***
18.12
Ukrayna və Rusiya nümayəndə heyətləri arasında danışıqlar başlayıb.
APA-nın xəbərinə görə, bu barədə Rusiyanın Belarusdakı səfirliyi məlumat yayıb.
***
15:34
Ukrayna və Rusiya nümayəndə heyətləri arasında bu gün keçiriləcək danışıqların vaxtı müəyyənləşib.
APA-nın xəbərinə görə, bu barədə Ukrayna Prezident Ofisinin rəhbərinin müşaviri Mixail Podolyak "Twitter"də bildirib.
"Rusiya Federasiyası ilə danışıqlar. Üçüncü tur. Kiyev vaxtı ilə saat 16.00-da başlayır. Nümayəndə heyətinin tərkibi dəyişməyib...”, - o qeyd edib.
Qeyd edək ki, görüş Bakı vaxtı ilə 18:00-da başlayacaq.
***
15:00
Rusiya nümayəndə heyəti Belarusa eyni tərkibdə gəlib, yaxın vaxtlarda Ukrayna ilə danışıqların aparılması gözlənilir.
APA-nın Moskva müxbirinin xəbərə görə, bu barədə TASS-a danışıqlara yaxın mənbə bildirib.
“Nümayəndə heyəti yerindədir, tezliklə danışıqlar başlayacaq. Biz Ukrayna tərəfdən məlumatı dəqiqləşdiririk”, - agentliyin həmsöhbəti bildirib.
O əlavə edib ki, nümayəndə heyətinin tərkibi eynidir.
Mənbənin sözlərinə görə, Ukrayna tərəfi ilə danışıqların üçüncü raundu planlaşdırıldığı kimi, Belovejskaya Puşçada baş tutacaq: “Məkan dəyişməyib”.
Qeyd edək ki, Rusiya Federasiyası və Ukrayna nümayəndə heyətləri artıq Belarusda danışıqların iki raundunu keçiriblər. Rusiya nümayəndə heyətinə prezidentin köməkçisi Vladimir Medinski başçılıq edir.
***
13:08
Rusiya nümayəndə heyəti Ukrayna ilə danışıqların üçüncü raundunu aparmaq üçün yola düşüb.
APA-nın xəbərinə görə, bu barədə “Sputnik Belarus” məlumat yayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
