Türkiyədə 2 rusiyalı qadın qətlə yetirilib

Türkiyədə 2 rusiyalı qadın qətlə yetirilib
# 29 noyabr 2023 10:29 (UTC +04:00)

Türkiyənin kurort şəhəri Bodrum yaxınlığında Rusiya vətəndaşı olan iki qadının - ana və qızının meyiti tapılıb.

APA CNN Türk-ə istinadən xəbər verir ki, çarşaflara bükülmüş və kəndirlə bağlanmış meyitlər Bodruma gedən yolun yaxınlığındakı tapılıb.

Onları ərazidə patrul aparan polis əməkdaşları aşkar ediblər.

“Anterhaber” nəşri iddia edir ki, odlu silahla qətlə yetirilən qadınlardan biri model kimi çalışmış, Bodrum, İstanbul və Kapadokyada dəbdəbəli saytlar və geyim brendləri üçün çəkiliş kampaniyalarında iştirak etmiş İrina Dvizovadır. Nəşrin məlumatına görə, o, güllələnib və qətldə şübhəli bilinən “əcnəbi şəxs” axtarışa verilib.

Rusiyanın “Mash” Telegram kanalı isə Türkiyədə öldürülən rusiyalı qadının 42 yaşlı İrina Dvizova olduğunu, onunla birlikdə 15 yaşlı qızı Dayananın da qətlə yetirildiyini yazır. Bodrumda villa kirayələyən Dvizovanın əvvəllər model olduğu, lakin Türkiyədə rieltor kimi çalışdığı bildirilib.

“Shot” Telegram kanalının məlumatına görə, İrina Dvizovanın qətldə şübhəli bilinən keçmiş ərinin Türkiyəni tərk etdiyi bildirilir. Onun Finlandiya vətəndaşı olduğu iddia olunur.

#
#

ƏMƏLİYYAT İCRA OLUNUR