USD 1.7

Bakı 26 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

Avropa

Ana səhifə

Avropa

Türkiyədə sel fəlakətində ölənlərin sayı 17-yə çatıb - YENİLƏNİB - 2

Türkiyədə sel 11 nəfərin ölümünə səbəb olub

12 avqust 2021 22:11 (UTC +04:00)

Türkiyənin şimal rayonlarında sel fəlakətindən ölənlərin sayı 17-yə yüksəlib.

APA-nın yerli bürosunun xəbərinə görə, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.

Bildirilib ki, sel fəlakətindən Kastamonu vilayətində 15, Sinopda 2 nəfər sel fəlakətini qurbanı olub.

Bartında itkin düşən bir nəfərin isə axtarışları davam edir.

Qeyd edək ki, Türkiyə Prezidenti Rəcəb Tayyib Ərdoğan Kastamonu, Sinop və Bartında sel fəlakətindən həyatını itirənlərə Allahdan rəhmət diləyib, yaxınlarına başsağlığı verib. Ərdoğan bildirib ki, selin dağıntı yaratdığı ərazilərdə Türkiyənin aidiyyəti dövlət qurumları fasiləsiz fəaliyyətlərini davam etdirməkdədirlər.

***

17:55

Türkiyənin şimal rayonlarında sel fəlakətində ölənlərin sayı 11-ə yüksəlib.

APA-nın yerli bürosunun xəbərinə görə, Türkiyənin Fövqəladə Halların İdarə Olunması Agentliyi (AFAD) bu barədə məlumat yayıb.

Bildirilib ki, sel sularından Kastamonu vilayətində 8 nəfər, 2 nəfər isə sürüşmə zamanı həyatını itirib. Sinopda bir nəfər sel fəlakətinin qurbanı olub.

Bartında itkin düşən bir nəfərin isə axtarışları davam edir.

***

16:07

Türkiyənin Kastamonu vilayətində sel fəlakətində ölənlərin sayı artıb.

APA-nın yerli bürosunun Türkiyənin Fövqəladə Halların İdarə Olunması Agentliyinə (AFAD) istinadən xəbərinə görə, fəlakətdə ölənlərin sayı 9-a çatıb. Bartında itkin düşən bir nəfərin isə axtarışları davam edir.

***

14:46

Türkiyənin Kastamonu vilayətində sel fəlakətində ölənlərin sayı 6-ya çatıb.

APA-nın yerli bürosunun Türkiyənin Fövqəladə Halların İdarə Olunması Agentliyinə (AFAD) istinadən xəbərinə görə, Bartında itkin düşən bir nəfərin isə axtarışları davam edir.

AFAD-dan bildirilib ki, 7-11 avqustda güçlü yağışlar Türkiyənin şimalında yerləşən vilayətlərdə, xüsusilə Bartın, Sinop, Kastamonuda sel, daşqın, dağıntılara və itkilərə səbəb olub.

Bartında bir nəfər itkin düşüb, bir nəfər isə ürək tutmasından ölüb.

Meteoroloqlar Türkiyənin qərbi Qaradəniz bölgəsinə yağıntının bu gün axşam saatlarında kəsiləcəyini proqnozlaşdırırlar.

Türkiyə Prezidenti Rəcəb Tayyib Ərdoğan Qaradənizin qərb istiqamətindəki rayonlarda baş verən sel fəlakətilə əlaqədar bütün dövlət qurumlarının səfərbər olunduğunu bildirib.