Türkiyənin Kahramanmaraş şəhərində zəlzələdən sonra dağıntılar arasında aparılan axtarış-xilasetmə işləri zamanı 5 güləşçinin dünyasını dəyişdiyi məlum olub.
APA xəbər verir ki, bu barədə Türkiyə Güləş Federasiyası bildirib.
Federasiya qeyd edib ki, 8 fevralda “Kahramanmaraş Böyükşəhər Belediyespor”un 4 güləşçisinin cənazəsi aşkar olunandan sonra bu gün daha 5 güləşçinin cənazəsi dağıntılar altından çıxarılıb.
Türkiyə Güləş Federasiyası həyatını itirənlərin ailə üzvlərinə, yaxınlarına başsağlığı verib.