Ukrayna hansı halda hərbi-siyasi ittifaqlara qoşulmamaq üzərində işləyəcəyini açıqlayıb.
APA-nın UNİAN-a istinadən verdiyi xəbərə görə, bu barədə Rusiya Federasiyası ilə danışıqlarda iştirak edən Ukrayna nümayəndə heyətinin hüquq qrupuna rəhbərlik edən diplomat Oleksandr Çali deyib.
“Təhlükəsizlik Müqaviləsi müharibəni bitirmək üçün mümkün diplomatik formatdır. Bu, diplomatik vasitələrlə Ukraynanın ərazi bütövlüyünü və təhlükəsizliyini bərpa etmək üçün bir fürsətdir.
Ukraynanın təhlükəsizliyinə aydın, hüquqi cəhətdən məcburi təhlükəsizlik təminatıdır ki, bu da öz məzmunu və forması baxımından NATO müqaviləsinin 5-ci maddəsinə oxşar olmalıdır. Yəni, əgər Ukrayna hər hansı bir təcavüzün, hər hansı hərbi hücumun və ya hər hansı hərbi əməliyyatın obyekti olarsa, bizim üç gün ərzində təcili məsləhətləşmələr tələb etmək hüququmuz var və bu məsləhətləşmələr problemin diplomatik yolla həllinə gətirib çıxarmasa, zəmanətçi ölkələrin bizə hərbi yardım, silah və hətta Ukrayna üzərində hava məkanını bağlamaq, Ukraynanın təhlükəsizliyini bərpa etmək üçün mümkün olan hər şeyi etmək kimi müddəaları da daxil edirik və bu, bizim əsas tələbimizdir.
Bizim üçün əsas tələb olan bu vacib müddəalara nail olsaq, Ukrayna tarixən mövcud olan daimi neytrallıq formasında özünün bloklara qoşulmama və qeyri-nüvə dövləti statusunu faktiki olaraq düzəltmək iqtidarında olacaq. Bu, 1990-cı il iyulun 16-da qəbul edilmiş Suverenlik Bəyannaməsində öz əksini tapıb.
Müvafiq şəkildə faktiki olaraq, NATO Müqaviləsinin 5-ci maddəsinə bərabər olan təminatlarla biz öz ərazimizdə xarici hərbi bazalar, hərbi kontingentlər yerləşdirməyəcəyik və bu gün Ukrayna Konstitusiyasının tələb etdiyi kimi, biz hərbi-siyasi ittifaqlara qoşulmayacağıq. Bizim ərazimizdə hərbi təlimlər zəmanətçi ölkələrin razılığı ilə keçiriləcək”, - Çali bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
