Ukrayna 2030-cu ilə qədər Aİ-yə daxil ola bilər.
APA-nın yerli KİV-ə istinadən verdiyi məlumata görə, bu barədə Aİ-nin Kiyevdəki səfiri Katarina Maternova bildirib.
O, Brüssel tərəfindən nəzərdə tutulan islahatların tamamlanmasını: qanunvericilik, o cümlədən milli azlıqların hüquqlarının müdafiəsi, məhkəmə islahatları və korrupsiyaya qarşı mübarizəni Ukraynanın Aİ-yə daxil olmasının şərti adlandırıb.
“İnanıram ki, Ukrayna Avropa Komissiyasının 2022-ci ilin iyunundakı tövsiyəsində müəyyən etdiyi yeddi addım üzərində işi başa çatdıracaq. Düşünürəm ki, çox çalışsaq, 2030-cu il real hədəfdir”.
Maternovanın sözlərinə görə, Ukraynanın Aİ-yə daxil olması ilə bağlı danışıqlar bu ilin dekabrında başlaya bilər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
