Bakı-APA. Almaniyanın Hemnits şəhərində iki kiçik mühərrikli təyyarə toqquşub, nəticədə iki nəfər ölüb.
APA-nın “RİA Novosti”yə istinadən verdiyi xəbərə görə, insident yerli aviasiya idmanı klubunun tədbiri zamanı baş verib. Ölənlərin hər ikisi bir təyyarənin kabinəsində olub. İkinci təyyarənin pilotu enişi uğurla başa çatdırıb.
Tədbir iştirakçılarından xəsarət alan olmayıb.
İnsidentin səbəbləri açıqlanmır.