Bolqarıstanda prezident seçkilərinin ikinci turunun nəticələri açıqlanır.
APA-nın RİA Novosti agentliyinə istinadən verdiyi xəbərə görə, hazırda bülletenlərin 55 faizi hesablanıb.
Bolqarıstan MSK-nın məlumatına əsasən, seçkidə sosialistlərin namizədi, general Rumen Radev qalib gəlir. O, seçicilərin 59,08% səsini toplaya bilib.
Radevin rəqibi, hakim QERB partiyasının dəstəklədiyi parlament spikeri Tsetska Tsaçyeva 36,34% səs toplayıb.
Qeyd edək ki, Bolqarıstanın baş naziri Boyko Borisov seçkilərin yekun nəticələrini gözləmədən noyabrın 14-də özünün və hökumətinin istefa verəcəyini bəyan edib.
***
23:44
Bolqarıstanda prezident seçkilərinin ikinci turu başa çatıb.
APA-nın RİA Novosti agentliyinə istinadən verdiyi xəbərə görə, ekzit-polların nəticələrinə əsasən seçkidə sosialistlərin namizədi, general Rumen Radev qalib gəlir. O, seçicilərin 58,1% səsini toplaya bilib.
Radevin rəqibi, hakim QERB partiyasının dəstəklədiyi parlament spikeri Tsetska Tsaçyeva 35,3% səs toplayıb.
Qeyd edək ki, noyabrın 6-da keçirilən prezident seçkilərində Radev 25,45%, Tsaçyeva isə 21,97% səs toplamışdı.
Bolqarıstan qanunvericiliyinə əsasən, yeni prezident 2017-cı il yanvarın 1-dən beş il müddətinə səlahiyyətlərinin icrasına başlayacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
