Bakı-APA. Böyük Britaniya Fransa qüvvələrinə münaqişənin həllində dəstək məqsədi ilə Maliyə və Qərbi Afrikaya 330 hərbçi göndərir.
APA-nın “BBC”yə istinadən verdiyi məlumata görə, Britaniya kontinqentinin tərkibinə 40 hərbi məsləhətçi daxildir. Onların və başqa 200 hərbçinin vəzifəsi Malidə əsgərlərə təlim keçməkdən ibarətdir.
Hərbi əməliyyatlarda britaniyalı əsgərlər iştirak etməyəcəklər.
Qeyd edək ki, Fransa və Mali hərbi qüvvələri islamçıların nəzarəti altında olan ölkənin şimal hissəsini azad etmək əməliyyatı davam edir.