Bakı-APA. Böyük Britaniyanın baş naziri Devid Kemeron 2014-cü ildə Soçidə keçiriləcək Qış Olimpiya oyunlarının açılış mərasiminə qatılmayacağını bildirib.
APA-nın Rusiya mətbuatına istinadən verdiyi məlumata görə, «İndependent» qəzetində dərc olunan xəbərə əsasən, baş nazirin qərarı Rusiyada insan haqlarının durumu ilə bağlı deyil.
«Baş nazir diplomatiya və qarşılıqlı münasibət siyasətinə inanır və boykot kimi sərt tədbirlərin tərəfdarı deyil», deyə mənbə vurğulayıb.
Qəzetin məlumatına əsasən, Soçidəki tədbirin açılışına Böyük Britaniyanın mədəniyyət və idman nazirinin başçılıq edəcəyi heyət qatılacaq. Heyətin tam tərkibi hələlik müəyyənləşdirilməyib.
Xatırladaq ki, ABŞ, Almaniya və Fransa prezidentləri də Qış Olimpiya oyunlarının açılış mərasiminə qatılmayacaqlarını bəyan ediblər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
