GUAM-ın xarici işlər nazirləri Gürcüstan baş naziri ilə görüşüblər
Azərbaycan, Moldova və Ukrayna xarici işlər nazirləri Elmar Məmmədyarov, Andrey Qalbur və Pavlo Klimkin Gürcüstan baş naziri Giorgi Kvirikaşvili ilə görüşüblər.
APA-nın Gürcüstan bürosunun xəbərinə əsasən, görüşdə G.Kvirikaşvili qeyd edib ki, Gürcüstan GUAM-a sədrlik edən ölkə kimi təşkilatın yaranmasının 20 illiyi ilə bağlı xarici işlər nazirlərinin görüşünə ev sahibliyi etməkdən qürur duyur.
Görüşdə təşkilata üzv ölkələrin regionda sülh, sabitlik, əməkdaşlıq və iqtisadi inkişaf istiqamətində fəal addımlar atmağa hazır olduqları ifadə olunub.
Tərəflər həmçinin bu gün imzalanan birgə bəyannamənin GUAM ölkələri və xalqlarının rifahı üçün əhəmiyyətini qeyd ediblər.
Qeyd edək ki, bu gün Tbilisidə GUAM-ın 20 illiyinə həsr olunmuş təşkilata üzv ölkələrin Xarici İşlər Nazirləri Şurasının iclası keçirilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
