Gürcüstan. Nizami Məmmədzadə-APA. Vaziani hərbi bazasında Gürcüstan-ABŞ birgə hərbi təlimləri başlayıb.
APA-nın Gürcüstan bürosunun məlumatına görə, tədbirin açılışında Gürcüstanın baş naziri İrakli Qaribaşvili çıxış edib.
Baş nazir Gürcüstan və NATO Silahlı Qüvvələrinin bölmələri arasında əməkdaşlığın genişləndirilməsinin əhəmiyyətindən danışıb, Gürcüstan hökumətinin NATO ilə yaxınlaşmada irəliləyişə nail olmaq üçün bütün vasitələrdən istifadə edəcəyini bildirib.
Onun sözlərinə görə, Gürcüstan dəfələrlə beynəlxalq təhlükəsizliyin möhkəmlənməsinə öz töhfələrini verə biləcəyini təsdiq edib. “Gürcüstanın Avroatlantik inteqrasiyasının alternativi yoxdur”, deyə İ.Qaribaşvili bildirib.
Vazianidə başlanan Gürcüstan-ABŞ birgə təlimləri mayın 11-dən 25-nə kimi keçiriləcək. Təlimdə 600 nəfər ABŞ və Gürcüstan hərbçiləri iştirak edəcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
